Ecologistas en Acción taldearen airearen kalitateari buruzko urteko txostenaren arabera, EAEko herritar guztiek eta lurraldearen % 99k kutsadura-maila osasungaitza izan zuten iaz.
Zero Waste Europe-k argitaratutako txosten berri baten arabera, kutsatzaile organiko iraunkorren maila handia dago hondakinen erraustegien inguruan.
Aurten ere, Estatu espainiarreko kostaldeen 8.000 kilometro inguru aztertu ondoren, Bandera Beltzak 2022 txostena aurkeztu du Ekologistak Martxanek. Salatutako ingurumen-arazoak aurreko urteetakoen antzekoak diren arren, lehen aldiz Bandera Beltza emango zaio eguzki-babeseko kremen eguzki-iragazkiek eragindako kutsadura-kasu bati.
Zadorra Bizirik-ek egindako ikerketak kontuan izanda, isurketak izan dira Arabako 16 ibaitan, eta horien ondorioz, 30.000 arrain eta karramarro baino gehiago hilda. Nabarmentzekoak dira Zadorra (5 isurketa), Arakil (4 isurketa) eta Nerbioi (3 isurketa). Isurketengatik arrain-faunaren hilkortasunik erregistratu ez den arro bakarra Baia da.
Beste urte batez, Ecologistas en Accionek Espainiako kostaldearen ia 8.000 kilometroak aztertu ditu. Aurtengo edizioan, Banderas Negras 2021 txostenean, kutsadurak eta ingurumen-kudeaketa txarrak eragindako kalteen kasu bereizgarrienak hartu dira kontuan, azken urteetan ohikoa den bezala.