Eskaerak Lutxanako kolektibo sozial eta kultural askoren eta Barakaldoko ekologisten babesa du. Bere balio historikoa nabarmentzen dute, Zumardiak industria-iraganarekin lotura estua zuen eta Orconera enpresako zuzendarien familiak hartu zituen bizitegi-multzo baten ingurunea ezartzen zuelako.
Ukrainiako gerrak eragindako energia krisiaren aurrean Espainiako Gobernuak hartutako neurrietako bat negozioak gauez erakusleihoetako argia itzaltzera behartzea izan da. Ez al ziren nahikoa klima aldaketa eta intsektuen gainbeheraren arrazoiak?
WebAppa erabili edo deskargatu zure mugikorrean gure App-a eta jakin momentu guztietan non dauden ekintza guztiak!
Ekologistak Martxanek Agurainen (Araba) bi sai zuri eta miru bat hil direla salatu du. Elkartearen arabera, “pozoitze kasu argi” baten aurrean gaude, bi espezieen ezaugarriengatik, alegia: “Sarraskijaleak dira eta hondarrak bilatzen dituzte” .
Aste Nagusiaren atarian gaude eta Bizizaleak Konpartsa Ekologistan topera gaude txosnaren muntaketan. Lan handiko orduak dira, baina baita dibertitzeko eta jaietan berriz ikusteko gogoa ere.
Bilboko konpartsok oso argi daukagu: erasorik gabeko Aste Nagusia nahi dugu: “guztiok seguru egon eta senti gaitezkeen moduko Aste Nagusia, urteetan zehar defendatu izan dugun bezala”.
Bilboko Konpartsok – Bizizaleak Konpartsa Ekologista parte dena – Aste Nagusiko 43. Sukaldaritza Lehiaketa aurkeztu zuten atzo goizean, Bilboko Erribera Merkatuko sarrera nagusian. Bertan, Garazi Askazibar eta Iñigo Iglesias bozeramaileek azpimarratu zituzten lehiaketa gastronomikoaren aurtengo bereizgarriak: “tailerrak egunero, bertoko produktuak, aukera begetalak eta umeentzako Gastro Txiki eskola”. Bertan izan gara ere dozenaka konpartsakide eta hainbat sukaldari, chef, ume eta lehiaketa babesten duten zenbait eragileren ordezkariak.
Bilboko Aste Nagusia 2022an txozna asko aurkitzen dira, baina Bizizaleak eta Triangunea bakarrak dira. Erraztasunez aurkitzeko, erabili ezazu mapa hau.
Kostaldeen Erregelamendu Orokorraren aldaketak Ekologistak Martxanek egindako eskariak jasotzen ditu, gure kostaldeen kontserbazioa hobetzea ekarriko dutenak.
Orain dela hilabete batzuk egunkari batean basozain baten gorabeherak irakurri genituen. Nolabait irakurri genuenak animatu gintuen basozain horren bizipenak kontatzera. Gure ustez kasu honetan, batez ere, bi lege-hausle daudelako: legez kanpoko praktikak erabiltzen dituzten ezkutuko ehiztariak (aurrerago aipatuko ditudanak); eta beste aldetik, politikari eta funtzionario batzuen zintzotasunik eza eta jarrera txarra. Azken horiek ere badute erantzukizuna, salaketen % 50 bulegotik ez direlako aurrera joaten.
Barakaldon doako bizikleta ibilaldi bat egin nahi duzu? Ekologistak Martxan, Biraka, Agharas eta Barakaldoko Udalak doako ordubeteko ibilbideak eskaintzen dizkizute udalerriko hainbat auzotan irailaren 15era arte.
Artxanda Parke Bai plataformak, Bizkaiko Ekologistak Martxan taldeko kide denak, blog berri bat aurkeztu du, bere jarduera berrienak jasotzen duena, azkenengo albisteak eta, halaber, Artxandako Aktibazio Plana eta bere ingurumen-egoeraren aurrean duen bide-orria isladatzen duen manifestua.
Gero eta gutxiago geratzen da 2022ko Aste Nagusia hasteko, eta Bizizaleak Konpartsa Ekologistatik, Sinkuartel Konpartsa Antimilitaristatik eta Mekauen elkartetik jarduera betetako egitaraua prestatu dugu gure festa-gunean, Triangunean.
Biodibertsitatearen galera guztioi eragiten digun zerbait da, nahiz eta tamalez gutxiengo bati bakarrik axola zaion. Intsektu txiki bat galtzeak agian ez du eragin larririk izango ekosistema batean, baina zenbat galdu beharko dira ekosistemaren erabateko kolapsoa izan aurretik?
Serralta Parkeko Hitzarmen Batzordearen (Barakaldoko Udala, inplikatutako udal sailak eta interesa duten taldeak ere bertan daude) arteko bilera bateratua egiteko beharra azpimarratzen dugu, bereziki auzoko elkarteak eta talde Ekologistak bertan parte hartu behar dutelarik, behar diren azalpenak emateko eta egoera honi alternatibarik onena bilatzeko.
Lutxana Villamor auzo-elkartea, Barakaldo Natura eta Ekologistak Martxan, eta auzoko gizarte, kirol eta kultu taldeak zuhaitz mozketaren aurka mobilizatu ziren atzo, etxe bizitza berriak eta parke handi bat eraikiko diren eremuan.
Eusko Jaurlaritzak energia berriztagarrien parke berriak eraikitzeko behar den izapidea bizkortzeko hartutako erabakiak, ingurumen-inpaktuaren txostena egiteko betebeharra kentzen duen, “gizarte zibilaren eta kolektibo sozial eta ekologisten maniobratzeko gaitasuna ezabatzen du”. Energia berriztagarrien proiektuak eraikitzeko baimenak eman aurretik, Ekologistak Martxanek energia berriztagarrien Lurralde-Plan bat garatzeko eskatu dio Eusko Jaurlaritzari, energia-beharrak eta kokapen egokiak zehazteko.
Ekainean, Butroi Bizirik Transizioan Biosfera ingurumen taldeko kideek, tokiko garapen ekonomikorako Jata-Ondo elkarteak antolatutako lau irteera bideratu dituzte. Jata Ondoren jardueretako bat da bertako turismo iraunkorragoa garatzea, eta helburutariko bat da, jendeari ezezagunak diren herriak erakustea.
Sagarrak-Ekologistak Martxanek Basaurin “beharrezkoa ez” den beste zuhaitz-mozketa bat egin dela salatu du. Mozketa horrek Basauriko Antonio Fernandez kaleko zuhaitzei eta anbulatorioko aparkalekuko espaloian moztutakoei eragiten die, eta inguruko txorko aleak kendu egin dira.
Bilboko Aste Nagusia 2022 heltzear dago eta Bizizaleak txosna ekologista muntatu behar dugu! Animatuko zara muntaketa-lanetan eta txandetan laguntzera?
Aste honetan Jabijok utzi gaitu, Bizizaleak konpartsa ekologistako kidea. Izan bekizu arina lurra, gure bihotzetan eramango zaitugu. Beti arte, lagun maitea!
Iberiar Penintsulan jasandako azkeneko bero-bolada handiaren ondorioz, airean ozono-maila igo egin zen, tenperatura altuen eta ibilgailuen trafikoaren, itsasoko eta aireko garraioaren eta zentral termikoetako elektrizitate-ekoizpen handiagoaren emisio kutsatzaileen ondorioz, aire girotuaren erabileragatik. Eragin meteorologiko hori Araban ere antzeman zen.
Auzokoa Herrikoi Elkarteak Astrabudua ibarreko hezegunearen egoera salatu du, arriskuan baitago, inguruko legez kanpoko baratzeetan eskuz ureztatu eta autobonbak erabiltzeagatik.
Bizizaleak Konpartsa Ekologista pil-pilean dago uda honetan eta horren adibide da 2022ko Barakaldoko Karmengo jaietan oso aktibo egon den gure txosna eta baita Bilboko Konpartsek antolatutako Konpartsakide Egunean izandako kolaborazio aktiboa ere.
Clean Cities kanpainaren azken txostenaren arabera, Europako 320 hiri hasi dira ibilgailu kutsatzaileak beren guneetatik botatzen, eta 500 baino gehiago izango dira datozen bi urteetan.