Sagarrak – Ekologistak Martxanek Jane Jacobs ibilbidea antolatu du ekainaren 12an, Arizgoititik Basauriko auzo eta kaleak zeharkatzeko. Ekimen hau, Jane Jacobs (1916-2006) hirigilearen izenean egiten da, hiri-aktibista, poeta eta ikertzailea, kazetaria, orain hirigintza jasangarria deritzonaren ahots nagusietako bat izan zena.

Ekimen hau gero eta herrialde, hiri, herri eta auzo gehiagotan hedatzen ari da, eta horrek erakusten du pertsonek bizi eta lan egiten duten tokiak ezagutzeko eta hiria eraikitzeko kausa komun bat aurkitzeko aukerak nahi eta behar dituztela.

2017az geroztik, ekainean, Basauriko bizilagunak kalera atera ginen paseo bat ematera, auzoak eta kaleak zeharkatuz eta bertako bizilagunak ezagutuz.

Oraingoan Arizgoititik ibiliko gara Marienea-La casa de las mujeres kalean hasi eta ibilbide zirkularra eginez Begiratokietan amaituko dugu ibilbidea.
Ibilaldia ez da kasualitatez egindako ibilbidea, baizik eta pentsatua eta antolatua, proposamena testigantzetan aberatsa izan dadin, bizitza nolakoa izan zen eta nola aldatu den ezagutzen duten, udalerriko zati horrekin identifikatzen diren eta egungo garapena, historikoa eta memoriazkoa ezagutu duten pertsonak bilatzen dira. Jende askok maite eta babesten du bere ingurua; bere kontserbazioaren alde borrokatzen da, bere errekonozimendu eta interes pertsonalaren alde, baina batez ere kolektiboaren alde, kide izatearen zentzuaren alde, udalerriko zatirik hauskorrenak babestearen alde.

Hiriek ibilgailuen trafikoa jasaten dute: kaleek espaloiak galtzen dituzte, gero eta errepide zabalagoak eraikitzen dira, parkeak eta lorategiak ezabatzen dituzte mapatik eta hesi arriskutsuak sortzen dituzte eremu batzuen eta besteen artean.

Animatu parte hartzera!