Datorren martxoaren 16an, asteazkena, Asanblada irekia egingo da Bilboko Santiago plazan, Sakeoari ez! Derecho a la Energía ekimenaren barruan. Dinamika hau sindikatuek, auzo-elkarteek, etxebizitza sindikatuek eta beste gazte-elkarte eta talde ekologista, Ekologistak Martxan haien artean dagoena, bultzatuta jaioa da, azken hilabeteotan argindarraren prezioaren neurrigabeko igoera salatzeko eta irtenbideak proposatzeko.

Halaber, ekimen horren ekintza nagusia martxoaren 26an Bilboko kaleetan egingo den manifestazioa izango da ‘Sakeoari ez. Energiarako eskubidea ‘. M26 danok kalera! ‘, lelopean. Manifestazioa arratsaldeko 18:00etan aterako da Arriaga Plazatik.