🌍 Erregai fosilekiko mendekotasuna: Irtenbideak eta erronkak! 🌱
Hitzaldi-sorta honetara gonbidatzen zaitugu maiatzean. Bertan, erregai fosilen mendekotasunaren aurkako borrokaren erronkak eta irtenbideak aztertuko ditugu, eta trantsizio energetiko justua lortzeko urratsak ere bai.

🔍 Maiatzak 2: “Erregai fosilekiko mendekotasuna, enpresak eta tranpak”🏭💡

🚨 Maiatzak 16: “Petronorren trapu zikinak eta ate birakariak, osasunaren kontura”💣🚑

✊ Maiatzak 23: “Mahai-ingurua sindikatuekin”🤝🌟

🌱 Maiatzak 30: “Politikak eta administrazioak deskarbonizazioan duten zeregina”.🏛️🍃

• Tokia: Bizkaiko Batzar Nagusiak – Hurtado de Amezaga kalea 6 – Bilbo 📍
• Ordua: 18:00 ⏰

Sarrera librea tokia bete arte.💪🌈

Bilbo – Bizkaian “Ur garbia eta saneamendua” GJH 6 sustatzeko ekintzak eta jardunbide egokien trukea proiektuko jarduerei hasiera ematen diegu; #BOLINTXU parke naturalera lehen txangoa eginez. Sagarrak Elkartearekin eta Mujeres En la Diversidad elkartearekin elkarlanean. Bilboko Udalak eta Bizkaiko Foru Aldundiak finantzatutako ekintza.

Ekologistak Martxan eta Sagarrak Talde Ekologistaren laguntzarekin.

Hemengo lora basatien izenak ezagutzeko gogoa? Gure bide ertzetan polinatzaile eta txorientzako erabilgarri diren lore politak dauzkagu baina etengabe mozten dira. Gurekin etorri eta ibilbide ederraz gozatu! Urdaibai hemen hasten da!☘️🌺💐🐝🐞🦋🪲🦟🌹💐🌼🥀🍃🎋🌸🌻🌷

Subflubiala tunelak, Bizkaiko Foru Aldundiaren proiektuak, Getxo lotu nahi du Artatzako biribilgunetik Sestao eta Portugalete arteko Ballonti korridoreraino, Ugaldebieta autobidearekin eta Super Hegoaldearekin lotzeko korapilo handi bat eraikiz.

450 milioi euroko inbertsioa eta itsasadarraren bi ertzen arteko trafikoa % 33 handitzea ekarriko du, eguneko 63.000 ibilgailurekin.

Proiektu honek atzera egin du karbono eta beste kutsatzaile batzuen emisioak murrizteko borrokan, Europako ingurumen-jarraibideen aurka.

Azpiegitura handi hori egiteak ez du esan nahi errepide-sarearen saturazio-arazoak murriztuko direnik, baizik eta garraio pribatuaren erabilera areagotuko duenik. Horrela, Artaza eta Ballonti korridorearen irteeretan “inbutu-lepo” handi bat sortuko da, eta horrek auto-ilara eta istripu gehiago eragingo ditu.

Bizi dugun larrialdi klimatikoko egoeran, ez du zentzurik azpiegitura handi horiek eraikitzeak garraio pribatua garraio publikoaren aurretik lehenesteko eta hobetzeko.

Maiatzak 26 igandean, eguerdiko 12:00tan Easo plazatik abiatuko da.

Ibilbidea: Easo Plaza, Easo kalea, San Martin, Urbieta, avenida, San Katalina zubia, Paseo kolon, Peña y Goñi, Kursaal, Zurriola, Bretxa, San juan, Fermin Calbeton, San Jeronimo, bulebarra.

Manifiestua:

Hiriko hainbat auzo-elkartek eta gizarte-mugimenduk osatzen duten Donostia Defendatuz koordinadorak adierazten du Donostiako egungo hiri-eredua gutxiengo baten onurara bideratuta dagoela; gehiengoaren bizi-baldintzak baztertuta geratzen dira sektore pribilegiatuenen mesedetan. Espekulazio, turismo eta luxuzko negozioen aldeko Udal Gobernuaren erabakiak bata bestearen atzetik hartzen dira, hiria turistifikazio prozesu basatian sartu, etxebizitza larrialdia areagotu, bizilagunak auzoetatik kanporatu, ondare arkitektoniko eta naturala suntsitu, berdeguneak murriztu, merkataritza txikia galdu eta hiriko sare soziokulturalari eragiten dion bitartean. Politika horien ondorioak gero eta larriagoak dira eta donostiar gehienek jasaten dituzte egunez egun. Gure hiria gero eta bizigaitzagoa da.

Ildo honetan, donostiarron beharrekin zerikusirik ez duten hainbat proiektu eta operazio urbanistiko bultzatzen eta inposatzen ari direla salatzen dugu, interes orokorrari eta herritarren ahotsari muzin eginda:

• Basque Culinary Centerren bigarren eraikina eraikitzen hastea, Manteo parkea suntsituta. Inposaketa autoritario horri gehitzen zaio udal lurzoruaren ondare garrantzitsu bat unibertsitate pribatu bati lagatzea.
• San Bartolome muinoan merkatal-gune erraldoia jartzeko proiektua, lurrazpiko 4 solairuko aparkalekuarekin.
• Eraikin historiko esanguratsu eta bereizgarri (Arte Ederren Antzokia, Atotxako Geltokia eta abar) babesik gabe uztea eta eraistea.
• Etxebizitza legean jasotako baldintzetan Donostia gune tentsionatu izendatzeko urratsik ez ematea. Funts putreak hiritik botatzeko neurririk ez hartzea.
• Etxebizitza berrien eraikuntza sustatzean alokairu sozialaren eskaintza legezko gutxienekoetara mugatzea eta etxebizitza espekulatiboari lehentasuna ematea.
• Etxebizitza-sustapen guztietan etxebizitza babestua sartzeko betebeharra sistematikoki ez betetzea eta Udalak dituen aprobetxamendu- edo eraikigarritasun-lagapenak diru bihurtzea.
• Hotelen irekieraren sustapen neurrigabea, Nobu hotelaren arau hausteekin Udalaren konplizitatea, Basquepackers (Arriola kalea) hostelaren irregulartasunen ikuskapen eza, Koisi (Heriz) hostelak bizilagunei eragindako arazoen betikotzea.
• Igeldon Xabi Alonsoren txaletaren kasuan trikimailu legalen bidez arauak hautsi dituen aldearekin Udala aktiboki lerrokatzea.
• Belartzako landa gunearen berreskurapena agindu duten epaiak ez betetzea eta eremu hori betirako suntsitzea dakarten on line merkataritzako multinazionalentzako makro-poligono logistikoaren eta hotel berriaren Belartza2 izeneko egitasmoaren sustapena.
• Añorga Txikin neurriz gaineko 250 etxebizitzaren eraikuntza, auzoan behar diren zerbitzuak eta azpiegiturak kontuan hartu gabe.
• Altzako Auditz-Akular inguruko muino eta ibarbide naturalak 3.000 etxebizitza baino gehiagotarako lurzoru urbanizagarri gisa mantentzea, garapen iraunkorreko irizpide guztien aurka jardunez, eta gizarte eta lurralde aldetik orekatua den hirigintzaren aurka.
• Otis multinazionalak Herreran dituen lurrak 400 etxebizitza baino gehiagotarako eremu urbanizagarri bihurtzeko asmoa, enpresaren interes ekonomiko hutsei erantzunez. Horrela, Altzako lanpostuen desertizazioa burura eraman eta auzoarentzako espazio librea lortzeko azken aukera galtzen da.
• Alokairu turistikoko pisuen erregulazio ez-eraginkorra eta ikuskapenik eza. Egungo araudiaren aurreko pisu turistikoen kopurua gainditzea eta eremu saturatuenak are gehiago saturatzea ahalbidetu duen arauan tematzea.
• Ostalaritzak eremu publikoa era zentzugabean okupatu eta pribatizatzea.
• Donostiako hirigintza berrantolatu behar duen Plan Orokor berria arrazoirik gabe atzeratzea.
• Metro-pasantearen proiektu zentzugabea bultzatzea, eta bide batez egitasmo horrek Dbus-en izango dituen ondorio kaltegarriak eta obrak eragin dituen diru-xahuketa, segurtasun-fallta eta espazio publikoari nahiz bizilagunei eragindako kalteak ezkutatzea.
• Emisio Gutxiko Eremua kilometro karratu txiki batera mugatzea, eremu turistikoan. Hiriko trafikoa erabat baldintzatzen duten lurpeko aparkalekuak murrizteko neurririk ez hartzea.
• Hirian hain urria den lurzoru naturala, berdeguneak eta zuhaitzak suntsitu eta artifizializatzea. Adibidez, sur-park proiektuak Antondegi inguruarentzat dakarren mehatxua.
• Zuhaitzen Plan Zuzentzailea egiteko gardentasun falta eta atzerapen ulertezina, ale osasuntsuak mozten diren bitartean. Azken-aurrekoa, Errondo pasealekuan.
• Hondakinen kudeaketa txarra, Donostiako hondakinen bereizketa-tasa Gipuzkoa osoko txarrena bihurtuz. Horri gehitu behar zaio Parte Zaharrean eta antzeko eremuetan sortutako kutsadura akustiko larria.
• Bizilagunen eskariei jaramonik ez egitea, kasu oso sinpleetan ere, hala nola Lugaritzeko Luis Villasante parkea urbanizatzea edo Zarautz hiribidea eta Matia Fundazioa lotzen dituzten bi igogailu publiko martxan jartzean, zortzi hilabetez funtzionamendutik kanpo egon baitira.
• Udalak kalean lo egin beharra duten pertsonentzat eta migratzaileentzat harrera egiteko baliabiderik ez jartzea eta La Sirena aterpetxea neguan ixtea.
• Donostia mordaza-hiri bihurtzea, eredu honen aurka gauden gizarte-sektoreen eskubide zibil eta politikoak urratuz.

Donostia Defendatuzentzat, jarduera horiek guztiak Udal Gobernuaren politika etengabearen erakusgarri dira. Alegia, ez dira arazo puntualak, hirian dugun arazo orokor eta endemiko baten ondorio eta adibide, baizik. Aurrekontu publikoa eta udal erakundeak interes ekonomiko partikularren alde jartzen dira sistematikoki, eta horrek erakusten du Donostia modu arriskutsu eta atzeraezinean saldu nahi dutela.

Herritarren bizitzak erdigunean jarriko dituen hiri-ereduaren alde egiten dugu, eta ez dugu onartzen gure hiriarekin egiten ari dena, asko baitugu jokoan.

Donostia ez dago salgai!

Atxikitako erakundeak:

1. Altza XXI herri ekirnena
2. Amara Bai auzo elkartea
3. Áncora
4. Añorga Txikitarrak auzo elkartea
5. AA.VV. Lugaritzeko auzokideak
6. Ba Gera
7. Belartza 2 Gelditu
8. Bideak Bidebietako auzolagun elkartea
9. Bizilagunekin plataforma
10. CC.00. sindikatua
11. CNT Gipuzkoa
12. Dendartean
13. Donostia Bizirik
14. Egia Bizirik auzo elkartea
15. Eguzki talde ekologista
16. Ekologistak Martxan Gipuzkoa
17. Erdian Bizi auzo elkartea
18. Errausketaren Aurkako Mugimendua
19. ESK sindikatua
20. Gazte Ekoliderren Sarea (GEKOS)
21. Greenpeace
22. Haritzalde naturzaleen elkartea
23. Heriz plataforma
24. Herria kultur elkartea
25. Herripe auzo elkartea
26. (IZBE) Intxaurrondo Zaharreko Bizilagun Elkartea
27. Kaleratzeak Stop Desahucios Donostialdea
28. Kontenedora
29. LAB sindikatua
30. Martutene bizirik
31. Mugarik Gabe
32. Ondare SS
33. Osteguna Elkartea
34. Parkea Bizirik
35. Parte Zaharrean Bizi auzo elkartea
36. Saretxe
37. Sarroeta Asociación de Vecinos
38. Satorralaia
39. SOS Manteo
40. Steilas sindikatua
41. Uliako Auzo Elkartea
42. Uliako Lore Baratzak