• Ostegun honetan, maiatzaren 16an, Barakaldoko bizilagun baten aurkako epaiketak jarraituko du, lekuko baten faltagatik martxoan atzeratu ostean

• Ustezko kalteengatik epaitzen ari diren bizilagunak Serraltako (Lutxana – Barakaldo) zuhaitz mozketaren aurkako protestetan parte hartu zuen 2022ko irailean.

• Maiatzaren 16an, osteguna, 11:15ean, Barakaldoko Justizia Jauregiaren aurrean elkarretaratzera deitu dute, “Zuhaitzak defendatzea ez da delitua” lelopean.

 

Joan den martxoaren 21ean atzeratu egin zen Serralta parkea urbanizatzeko lanak hasteagatik Barakaldoko Lutxanako Serralta etorbidean zuhaitzak mozteagatik egindako protestetan ustez kalteak eragiteagatik auzipetutako auzokide barakaldarraren epaiketa. 2022ko irailaren 7an, modu baketsuan egindako protestan, Barakaldoko bizilagun bat identifikatu eta salatu zuten, zuhaitzak mozten ari zen motozerra bati kalteak eragiteagatik. Aldi berean, bizilagunak langileetako bat salatu zuen, motozerra kentzen saiatzean lesio arinak eragiteagatik.

Epaiketa maiatzaren 16an, osteguna, hasiko da berriro, 11:40an. Ordu horretan, aktibista salatzaile eta salatu gisa deitu dute Barakaldoko Instrukzioko 2 zenbakiko Epaitegian deitu dute salatzaile eta salatu gisa, delitu arinengatiko, ustezko lesio eta kalteengatiko judizioaren ahozko ikustaldirako. Horregatik, Lutxanako eta Barakaldoko bizilagunen eta ekologisten Plataformak, Serraltako zuhaitzen defentsan, elkarretaratzea deitu du Barakaldoko Justizia Jauregiaren aurrean, 11:15ean, aktibistari babesa emateko.

Serraltako zuhaitzak defendatzeko Lutxanako eta Barakaldoko bizilagunen eta ekologisten plataformak elkartasuna adierazi nahi dio auzipetuari, eta berriro eskatu du auzi judizial bat artxibatzeko. Auzi horren jatorria “ekozidio” burutua eta zigorrik gabea da. Plataformaren ustez, “zuhaitzak defendatzea ez da delitua, herritar arduratsuen eskubidea eta betebeharra baizik, eta Barakaldo bizigarriagoa eraikitzeko premiazko beharra“. Hiri Zuhaitzak Babesteko Udal Ordenantzaren aplikazio progresiboak nabarmen hobetu du natura-ondare horren tratamendua Barakaldon, eta, beraz, uste dute gertaera horietatik urte eta erdi baino gehiago igaro ondoren “aurrera begiratu behar dela, udal-ordenantzaren zenbait alderdi hobetu behar direla eta zorrotz aplika dadila eskatu behar dela“.