Zein aire arnasten dugu Basaurin eta haren eskola-ingurunean? Osasunaren munduko erakundeak (OME) ezarritako muga osasungarriak errespetatzen al ditu? Galdera horien ondorioz, Sagarrak talde ekologistak gure hirietan arnasten dugun aireari buruzko ikerketa egin du.

Horretarako, erakunde ekologistak Basauriko ikastetxeen laguntza izan du.

Hilabeteetako lan honen ondorioak datorren azaroaren 6an aurkeztuko dira Ibaiganeko Kultur Etxean. Ekimen honen talde koordinatzaileak azterlanaren testuingurua eta ondorioak azalduko ditu. Basauriko Hiri Mugikortasun Jasangarriaren Planari buruz ere hitz egingo eta eztabaidatuko da, aurkeztuko diren datuekin lotura zuzena duelako. Ez dute bilera hau pasatzen utzi nahi, inguruan dugun kutsadura industrialaz eta kutsadura akustikoaz (zarata) ere hitz egin gabe.

Sagarrak elkarteak gonbitea luzatu die ikastetxeetako guraso-elkarte guztiei, udalerriko auzo-elkarteei eta datu horiek ezagutzeko interesa duen edonori.

Kontaiguzu zuk zer moduz arnasten duzun!