1997an, energia merkantzia bihurtu zen, eta haren prezioa merkatuaren aldaketen mende geratu zen. Eta 2013tik ez da funtsezko zerbitzutzat ere hartzen, interes ekonomiko orokorreko zerbitzutzat baizik. Horrek esan nahi du energia, bizitza duinak garatzeko eta gizarte oro eratzeko ezinbesteko hornidura (bere ekoizpen eta kontsumo eredua, ekonomia, geopolitika…), gizarte-sektore ahulenen irismenetik kanpo gera daitekeela.
20 erakundek baino gehiagok, horien artean Ecologistas en Acción, bilera sorta bat hasi dute alderdi politikoekin, funtsezko bost neurri azaltzeko eta horiek ezartzeko konpromisoa eskatzeko.
Gaur Pobrezia Energetikoaren aurkako egunean, “Sakeoari Ez, Derecho a La Energía” izendatu dugun dinamika aurkeztu dugu, inguruetako hainbat kolektibo ekologista, sindikatu, auzo elkarte, etxebizitza sindikatu eta gazte eragilerekin. Ekimen honen helburu nagusia azken hilabeteotan bizi dugun argindarraren prezioaren igoera salatzea da.