Berriro jaisten dira ibai marroiak euriteen ondoren, pinudi eta eukaliptoen arraseko mozketen ondorio zuzena. Bertoko basoaren berreskurapena azpimarratu behar da, lurraren eta bizitzaren babeslea.
Zenbat hektarea behar dugu Bizkaian eraldatuta eta espezie inbaditzaileek hartuta, erreakzionatzeko? Zenbat ondo-, begetal- eta animali- espezie desagertu behar dira? Benetan suek hildako lagunak ikusi beharko ditugula hemen bertan, konturatu gaitezen eukalipto monokultiboek giza segurtasuna mehatxatzen dutela?
eukaliptoa landare exotiko inbaditzailea izateaz gain, ingurumen eragin larriak sortzen ditu: lurra lehortu, haren egitura fisikoa eta kimikoa eraldatu, suteak erraztu… Alegia, bertako biodibertsitatea zuzenean jotzen du, kaltetuz eta galduaraziz.