Datorren otsailaren 13an, Ecologistas en Acción taldeko Kistiñe Garcíak eta Koldo Hernandezek (Futuro sin Tóxicos bloga kontsulta dezakezue) Bilboko Ekoetxea bisitatuko dute, Ecologistas en Acción taldeak ekoitzitako ‘La voz del invernadero’ dokumentala aurkezteko.
Martxoaren 5ean, larunbata, dozenaka pertsonak bat egin zuten Ampliación Supersur Ez! Plataformak sustatutako manifestazioarekin, eta Pagasarrira igo ziren argi eta garbi esateko ez daudela ados Bizkaiko Foru Aldundia (BFA) mendi horretan egiten ari den aisialdirako eta kirolerako hiru eremu berriren eraikuntzarekin
Hartutako neurriaren aurka protesta egiteko, datorren martxoaren 5ean Pagasarriko igoera antolatu du Plataformak, Bizkaiko Foru Aldundiak Arnotegin, tontorreko babeslekuaren ondoan, Pagasarri mendian, egin nahi duen eraikuntzagatik protesta egiteko.
Ampliación Supersur Ez! Plataformak zalantzan jarri du Bizkaiko Foru Aldundiak Pagasarri mendian, tontorreko babeslekuaren ondoan, Arnotegin eta Ihurbilen aisialdirako eta kirolerako hiru eremu eraikitzeko hartutako erabakia.
Ampliación Super Sur ez! Plataformaren iritziz, Bizkaiko Foru Aldundia (BFA) irudia garbitzeko kanpaina egiten ari da (Greenwashing), azpiegitura hau ez delako beharrezkoa, garestia dalako, eragin ekologiko handikoa daukalako, eta Bilboko eta Bizkaiko iritzi publiko gehienak aurka dituelako.
Bidesariaren ordainketa klima-aldaketari aurre egiteko modu bidezkoa eta birbanatzailea da. Horretarako, bidesarien kudeaketa publikoa izan behar da eta haien onurak garraio publikoaren eta funtsezko zerbitzu publikoen finantzaketa handitzera bideratu behar dira. Arrazoi horiengatik guztiengatik, ahalmen handiko bideetan ibilgailuen garraiorako bidesaria babesten dugu.
Aste honetan, Imanol Pradales diputatuak Peñascaleko harrobiaren berreskurapena aurkeztu du. Harrobia Metropoliko Hegoaldeko Saihesbidearen indusketekin bete da, Supersur izenez ezagunagoa dena, eta harizti bat sortzeko zuhaitz eta zuhaixkekin birlandatu da. Pradales jaunak uste du ekintza hau neurri berritzailearen, “Berdearen” eta ekonomia zirkularraren adibide ona dela.
Protesta gisa, Supersur Ez – Bolintxu Bizirik plataformak, Bilbori geratzen zitzaion azken haran naturalaren, hau da, Bolintxuren “ehorzketa” irudikatu du ostegun honetan Foru Aldundiaren eraikinaren inguruan. Ekitaldian, bertaratutakoek bizkarrean zeramaten hilkutxa berde bat eraman dute eta geldialdiak eginez prozesio-segizio itxura eman diote.
Duela zenbait aste hasi ziren leherketak egiten Seberetxe auzoko Supersur autobideko tuneletako bat eraikitzeko. Horren ondorioz bizilagunei eragindako eragozpenak eta etxebizitzei eta Seberetxe jauregiari eragindako kalteak salatzen du Supersur handitzearen aurkako plataformak.
Metropoliko Hegoaldeko Saihesbidea garestia da; izan ere, kilometro bakoitza 47 milioi kostatzen zaie Bizkaiko biztanleei. Zenbateko horri gehitu behar zaizkio aurreko fasea egiteko hipotekatu den dirua zein eskatu diren maileguen interesak eta ustiapen-defizitaren ondoriozko galerak. Horrek guztiak, datozen 20 urteetan 60 milioi euro baino gehiago urtero ordaintzea ekarriko du.
‘Proiektua gelditzea posible da oraindik’ lelopean, mila lagun ibili dira Bizkaiko hiriburuko kaleetan Supersur handitzeko proiektuari amaiera emateko eskatzeko. Orain arte egindako obrek dagoeneko 15 hektarea baso suntsitu dituzte Seberetxe inguruan, Interes Komunitarioko hainbat habitat barne, eta bide hori jarraituz gero, Bolintxuko haraneraino iritsiko dira, hadu da, Pagasarriko mendiguneko harribitxira.