Jane-ren ibilbidea
Datorren maiatzaren 18an, JANE JACOBSen eskutik, gure herriko kaleak zeharkatuko ditugu berriro. Egungo ibilbidearen haria “Gure eskola zaharrak” da. Araceli Angulo (Basauritarra) Basauriko maistra eta bizilagunaren laguntza izango dugu, gai honetaz egin duen ikerketa lana aurkezteko. Ibilaldia San Migel auzoan hasiko da, liburutegi publikoaren aurrean. San Migeletik auzoz auzo joango gara eta Bentako plazan bukatuko dugu aurtengo Jane-ren ibilbidea.
Basauriko auzo-eskolak. Ibilbidea San Migeleko liburutegi publikoaren aurrean hasiko da, gure herriko lehen auzo-eskola egon zen lekuan. Bertaratutako guztiei ongietorria egin ondoren eta Jane Jacobsen irudiari eta ibilaldi horien esanahiari buruzko azalpen txiki bat eman ondoren, Aracelik lehen eskola horri buruz hitz egingo digu, bere testuinguru historikoari buruz, eta ondoren auzo horretan eskolek izan duten garapenari buruz. Ibilaldiak eskola esanguratsuenetako batzuk egon ziren tokiak zeharkatzen jarraituko du (Arizgoitiko plaza, Arizko eskola, Bentako plaza). Guztiak bisitatzeko ezintasun fisikoaren aurrean, Kareaga, Zubialdea, Etxerre (Bonifacio Lopez), Pozokoetxe… eskolak aipatuko dira. Leku horietan guztietan, eskola horien une historikoari eta ezaugarriei buruzko azalpen txiki bat emango dute gidariak eta laguntzaileek. Eskola hauetako ikasle izan zirenen pertsonen eta senideen testigantzak entzuteko aukera ere egongo da.
Nor izan zen Jane Jacobs? Zergatik Janeren paseoa?
JANE JACOBS urbanista amerikarra izan zen, hiriak humanizatzea proposatzen zuena. Haren omenez, maiatzean, munduko hainbat hiritan “Janeren ibilaldiak” egiten dira. Helburua da bizi garen lekuaren eraldaketa ezagutzea eta horri buruz hausnartzea. Hirian bizi garen pertsonen ahotsaren eta hirigintzako adituen ekarpenaren bidez gure herriaren historia eta bilakaera ikustea eta etorkizuna irudikatzea da helburua.
Kolaboratzaileak: Jose Fran Cid (geografoa eta mugikortasuneko eta hiri-garapeneko teknikaria); Jose Manuel Luquen (basauritarra – arkeologoa eta historialaria); Jose Alfonso Antequera (basauritarra – dokumentalista); gure herriko bizilagunak, beren bizi-testigantzak emango dituztenak.
Bizkaiko Foru Aldundiaren laguntza dugu, “Bizkaiko auzo-eskolak” erakusketa eskaintzen baitigu. Erakusketa hau 7 egunez egongo da ikusgai Pozokoetxeko Kultur Etxean.
