5, 48005 Bilbao, Bizkaia
España
Hizlaria: Gorka Menéndez Baceta, Ingurugiro Zientzietan Lizentziatua eta Etnobotanikan Doktorea
Sarrera librea eta doakoa
Milaka urteetan, gizakiak inguratzen duen lekura egokitzeko modu ugari garatu ditu. Inguruarekiko elkarreraginaren bitartez, herri eta kultura bakoitza ezagutza multzo bat eskuratzen joan da eta horrek, osotasunean hartuta, balio zenbaezineko ondare immateriala osatzen du.
Herri jakinduriak barne hartzen dituen alderdi kontaezin horien artean, landareek leku garrantzitsua izan dute, sendatzeko, jateko edo janzteko erabili baitira, eta gaur egun ere garrantzitsuak izaten jarraitzen dute. Bada gizakien eta landareen arteko erlazio hori ikertzeaz arduratzen den diziplina bat: etnobotanika. Eskarmentu luzeak dauka hizlariak gai honetan: Journal of Ethnopharmacology bezalako zientzia-aldizkari internazionaletan artikuluak argitaratu egin ditu eta horretaz gain, landareen erabilera tradizionalaren inguruan hainbat ikastaro eta berbaldi ematen ditu Euskal Herrian zehar. 2014an argitaratu zuen “Gorbeialdeko Sendabelar Tradizionalak” liburua, Ediciones Betaren eskutik.
Antolatzailea: Ekologistak Martxan.
