Artxandatik ibilbide ekologikoa

Bioaniztasuna, mehatxuak eta kudeaketa

Ibilbidean naturarekin eta berdeguneen kudeaketarekin, paisaiarekin eta Artxanda mendiaren historiarekin lotutako alderdiak aipatuko ditugu, eta bertako elementu natural garrantzitsuenak aurkituko ditugu (Topalekuko Parkea, duela gutxi inauguratua, edo hariztiak eta beste baso autoktono batzuk). Era berean, giza aztarnari ere erreparatuko diogu paisaian, hiri-inguruko ingurune horretan modu askotan agertzen baita, zabortegi ugari, mota guztietako azpiegiturak (lineak, industriak edo errepideak) edo baso-landaketak baititu.

Ibilbide lineala denez, gehienbat beherantz doana eta Ola auzoan amaitzen dena, Bilboko eta Txorierriko ingurune naturala ezagutzeko modu erosoa da, jende asko ibiltzen den eta gutxi bisitatzen diren parajeak zeharkatuz. Era berean, pasealeku honetan bisitatuko ez diren baina une desberdinetan ikus daitezkeen eta hiri- eta landa-paisaiaren parte diren hurbileko beste zona batzuetako ingurumen-egoerari arreta eskainiko zaio.

Artxanda ezagutzera animatzen zaituztegu!

• Gidaria: Eduardo Renovales (Ekologistak Martxan)
• Ibilbidea: 9:45 Bilbo (Funikular plaza) – Funikular – Artxanda – San Roke – Ola (Euskotren) – 14:15etan inguruan Zazpikaleak
• Desplazamendua: funikularrean, oinez, metroz.
• Ibilbidearen luzera: 4 km baino gutxiago Ia guztia asfaltatuta, baina zatiren batean lokatza egon daiteke.

Eramateko gomendagarria: mendiko botak, makilak, janaria eta edaria

Izen-ematea: ekainaren 13a arte, ostirala, 12:00ak arte, bidali email bat izena eta telefonoarekin, “Ekainak 14 Ibilbiderako izenematea” jarrita gaian, bizkaia@ekologistakmartxan.org helbidera.

Antolatzaileak: Ekologistak Martxan Bizkaia eta Sumendi